Plantun de Prouvènço

Pèr coumpara dos planto d'encò nostre

Nymphaea alba & Bassia laniflora

Ninfèio

Nymphaea alba

Nymphaeaceae

Àutri noum : Crespo-d'aigo, Erbo-d'infèr, Vié-malaut, Ninfo.

Noms en français : Nénuphar blanc, Grand Nénuphar.

Descripcioun :
La ninfèio fai de gròssi fueio redouno escavado dóu coustat dóu pecou (aquéli de dessouto l'aigo soun mai primo). Se recounèis eisadamen peréu emé si gràndi flour blanco que li petalo de l'en dedins soun acabado pèr d'antèro.

Usanço :
Se fai de farino emé lou rizoumo qu'èi riche en empés (d'amidoun). Desempièi Pline l'erbo-d'infèr èi recoumendado pèr empacha de benda. Se dis que li mounge n'en manjavon à l'age-mejan. Poudèn pensa que lou noum de vié-malaut vèn d'acò. Li flour ajudon à caga.

Port : Erbo
Taio : 0,5 à 3 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Nymphaea
Famiho : Nymphaeaceae

Ordre : Nympheales

Coulour de la flour : Blanco
Petalo : >6
Ø (o loungour) flour : 2,5 à 8 cm
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun
Mai à óutobre

Liò : Aigo
Estànci : Termoumediterran à Mesoumediterran
Couroulougi : Éurasiatico
Ref. sc. : Nymphaea alba L., 1753

Bassìo(-lanudo)

Bassia laniflora

Amaranthaceae Chenopodiaceae

Noms en français : Bassia laineuse, Bassia des sables.

Descripcioun :
Aquelo planto trachis dins li tepiero seco e li sablo. Ei pulèu grando, bourrihudo, emé de fueio estrecho e de flour en longo espigo. Aquesto bassìo es uno planto devengudo raro e s'atrobo pu qu'en quàuquis endré de "la valado dóu Rose". Un prougrame dins la valado dóu Cavaloun es esta mena pèr lou Counservatòri d'Espàci Naturau de Prouvènço coutrìo emé lou pargue dóu Leberoun (vèire la fotò) ; es uno reüssido.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bassia
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Meno aparado

Liò : Tepiero seco - Sablo
Estànci : Mesoumediterran
Couroulougi : Pancaro entresigna
Ref. sc. : Bassia laniflora (S.G.Gmel.) A.J.Scott, 1978

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Nymphaea alba & Bassia laniflora

ges

Coumpara Ninfèio emé uno autro planto

Coumpara Bassìo(-lanudo) emé uno autro planto